A Raggionèreje
Nu nome troppe lunghe da dì.
Megghie canusciute come Raggionèreje,
na scole che stève a chiazza Nocèlle,
sope a nu palazze prevate,
andò i stanze sonne deventate aule grosse e bbèlle
e tanta giuvene ànne studejate e se sonne deplumate.
Nda quella scole ce stavame pur nuje,
alunne du geometre,
ma èreme talmènte poche
che manghe se n’accurgèvene de sta cumbagneje.
A Raggionèrje ère mburtante e faceva clamore;
nzime e giuvenettille ce jèvene pure i fegghiulètte
e, a sciute da scole, se furmavene gruppe e gruppètte
pe truuarse chi spose e parlà d’amore na mèzzorètte.
Dope i cose sonne cagnate:
a raggionèreje è state mannate a Viale Dante,
acccussì è devendate angore cchiù ‘mburtante.
A scola vècchie seme rumaste i gèometre,
poche classe, che poche alunne,
ma che nu campe grusse da cultevà.
A cinte mètre ce stève u Magestrale,
andò se deplumavene i maèstre de scole;
tanta bbèlle e bbone fegghjole
da putè adducchià e putèrse fedanzà.
U prèsede ère Matteje La Mèdeche,
a contrafegure de Frank Sinatre u ggnuravame.
I ssemegnave fisecamènte e pure ca voce e,
nen sapènne isse cantà, se mettève sèmpe a lucculà.
Quante n’amme cumbenate e tant’ episodeje angore d’accuntà:
da i schèrze fatte a i prefessure, a i juche chi bbedèlle.
Du pèrsonale da sègrètèrìje a despunibbeletà
e sèmbe pronde a sestemarce tutt’i cartuccèlle.
De l’alunne ne nne parlame;
èje megghje che ci recurdame che sembateje
sennò pure mo, doppe tant’anne,
fernesce a fetenzeje u recurde da Raggionèreje.
A mizze a tanta cose che sonne cagnate
se ne so scurdate da cchiù ‘mburtande:
de cagnà u nome a sta scole.
Cancellà u vecchje monarche
e mètte u nnòme de nu crestejanone
che se meretasse a ndetulazione;
scèlte, tra persunagge de culture o scinze,
pe quille che à lassate ndo munne.
e pe l’onore date a nazione.
Pasquale Tedeschi
