23.9 C
Lucera
3 Luglio 2022
Lucera.it – Giornale Online sulla città di Lucera
M'Arrecorde

I Rijale – Poesia in Lucerino sul Natale di Ascanio Iliceto

realizzazione siti web Lucera

I RIJALE

Ascanio IlicetoNa vóte i fèste di crijatúre èrene poche,

p’u Sande túje a úreje nen t’a dévene manghe,

nne parlame quanne facive l’anne,

manghe su recurdavene.

Po’ arrevave finalmènde ‘a fèste i múrte,

che prejèzze, èravame tutte cundènde

pecchè ce facévene truvà a cavezètte

néreve de mamme chjéne de frutte.

Arrevave Natale. Ména, mé facíme u presèpeje.

Tutte se dévene da fà, che felecetà, che ggioje,

pupurate, cavezungille, ménele atterrate, crústele,

e a núje crijatúre manghe ‘na prumésse de nu rijale.

A scole ce facévene fà apposte ‘a lètterine

che tanda prumésse bbèlle e crestijane.

A veggìleje de Natale tutt’i famiglje stévene anzime.

e dope i vìndiquattore s’abbijave a magnà: Madò che fame.

A mèzzanotte, dope magnate, chi avéve fatte u presèpeje

mettève u bbambenille nda mangiatore chjéne de pagghje

facènne ‘a precessióne e candanne “Tu sscinne d’e stèlle…”.

L’àvete jévene a sénde a mèsse d’a notte Natale.

U júrne Natale t’avezave c’a paúre ngúlle

pecchè avíva lègge ‘a lètterine ndavele

quanne Papà s’assettave a ccapetavele c’u surríse

e facève a vedè che truuave a lètterine pe ccase.

A vúne vúne avèmma lègge sti bbenedètte lètterine;

dope aspettavame a mbérte che nen sèmbe ci ‘a dévene.

Quacche zijáne se menave ‘a mane p’a cussciènze:

Me raccumanne stepatille”: quiste ère u cunziglje de zizí.

A Bbèfane ère cchjù puurèlle de núje e nen ce purtave ninde.

A canzone che ce mbaravene ère: “’A Bbèfane vène de notte

chi scarpe tutte rotte c’u cappille a romane, èvvive, èvvive a Bbèfane”.

Che vulíve sperà da ‘na crestijane chi scarpe rotte e anziane?.

Dope tanta timbe agghje capite u segnefecate d’u fatte

che Gese Criste ère nate nda ‘na grotte fredde e gelate

dinde na mangiatore e che appéne nate ére ggià puurille,

ère pe farce sendì ndefètte e quinde pe nen farc’i rijale a Natale.

Na vote, vuléve dì a pateme: “Bbabbe Natale, nda l’ati pajése

porte tanta rijale e crijatúre” però nen l’agghje arrevate a dì sta frase

pecchè ndo stèsse mumènde che decéje: “Bbabbe”

m’arrevaje nu bbèlle recchiale che m’u recorde fíne a che cambe.

ASCANIO ILICETO

[Biografia di Ascanio Iliceto e “Ricordi” precedenti]

Potrebbero Interessarti

M’Arrecorde – I Cunde : “U STRÒLEGHE”

Ascanio Iliceto

M’Arrecorde – I Cunde : “MENGUCCE E RUSUNÈLLE”

Ascanio Iliceto

M’Arrecorde – I Cunde : “U CUNDE NANNURCHE”

Ascanio Iliceto

M’Arrecorde – I Cunde : ” I FANOJE “

Ascanio Iliceto

M’Arrecorde – I Cunde : “U GALL’E U CAFÒNE”

Ascanio Iliceto

M’Arrecorde – I Cunde : ” U SDRAGHE “

Ascanio Iliceto